حريشات بالطون

- الحرشة بالطون

*****************

نصف كيلو سميدة رقيقة+ كاس الا ربع مخلط بين الزيت و الزبدة  +نصف كاس معدنوس مقطع رقيق+ 2 بصلات خضرين مقطعين رقيق +علبة طون بالزيت+ملح+كيس من خميرة الحلوة+ الحليب لجمع العجين

نخلطو السميدة والملحة مع الزبدة والزيت حتى يترمل الخليط من بعد نضيف باقي العناصر وتجمع بالحليب  . العجينة خاصها تكون مرخوفة ونغطيوها حتى تشرب ونطلقوها فمائدة مرشوشة بالسميدة وتقطع دوائر نطيبوها فمقلاة المسمن من الجهتين

الكرص او البريوش بالجنجلان

المقادير
2 بيضات +كاس صغير السكر +كاس صغير الزيت +نصف معلقة كبيرة الخميرة الخبز +1 خميرة الحلوى او معلقة صغيرة +ربع معلقة صغيرة الملح +قشرة 2 حامضات +عصير نصف حامضة +750 غرام دقيق فورص +رابعة الحليب دافئ
تعجن جيدا وتترك تختمر ثم تقطع كويرات تترك مرة اخرى تختمر وتدهن بالبيض وترش بالجنجلان ثم تدخل الى الفرن

بريوش

المقادير
500غ دقيق الفورص
100غ سكر
100غ زبدة
20غ عسل
بيضة كاملة
ملح خميرة الخبز
خمارة وفاني
مل200 ماء دافئ ممزوج مع الحليب لجمع الخليط
أصفر بيضة ممزوجة بملعقة ص حليب للدهن
الطريقة
يدفى الماء والحليب فوق نار هادئة وخارج النار نضيف الزبدة حتى تدوب وأخيرا البيضة والخميرة
ونجمع الدقيق بهذا الخليط حتى الحصول على عجينة لينة وإذا كان العجين جد ملتسق يضاف الدقيق وتترك تختمر ثم نقسم العجين إلى كويرات متساوية أنا آعطاتني 24كويرة
وتترك تخمر مرة أخرى ثم تدهن بأصفر البيض وتطهى
وعند إخراجها من الفرن تدهن بمربى المشمش وتزين حسب الرغبة

بطبوط معمر

بطبوط معمر

مقادير العجينه :
500 غ من الدقيق الابيض او دقيق القمح
ملعقة صغيرة ملح
ملعقة و نص خميرة الخبز
ماء دافئ
مقادير الحشوه:
4 حبات طماطم مقطعة مربعات
حبة فلفل رومي مقطعة مكعبات
قطع الديك الرومي
كوب و نصف زيت نباتي
ملح
كمون
طريقة التحضير:
نعجن العحينة جيدا بواسطة اليد او الالة و تترك ترتاح نصف ساعة
ممكن نشكلها كورات صغيرة حجم البرتقالة تبسط و تترك ترتاح ثم تخمر
هناك طريقة سهلة هي فرد العجينة على الرخامة و تقطيع العجينة دوائر بسمك 2 سم بواسطة دائرة ثم توضع فوق فوطة نظيفة كي …تخمر جيدااا
نسخن مقلاة جيداا و تخبز على الجهتين حتى ننتهي من العجين كله
نحضر الحشوة:
نضع الزيت في مقلاه على النار ثم البصل و الطماطم و الفلفل و قطع الديك الرومي ثم التوابل تترك لتطهى جيداا
نحضر قطع الخبز نفتح الاقراص مع الجانب تحشى مقدار ملعقتين من الحشوة

رغايف بالسبانخ

مقادير العجين : 200 غ طحين ممتاز + 50 غ ميزينا + 1 بيضة + م ص ملح + م ك زبدة لينة + شوية د الحليب لي يجمع لعجين أنا عملت تقريبا ربع كاس الطريقة: كنخلط ميزينا مع الطحين ونخلط كلشي حتى تترمل العجينة شوية ونجمعها بالحليب دهنت العجين بالزيت وعملت منو كويرات وخليتهم يرتاحو مقادير الحشو : ربطة د السبانخ طري مغسول مزيان ومقطع + الكروفيت القياس لي بغيتي + بصلة كبيرة مشلضة
زيت بلدية + إبزار + سكنجبير + ملح + 5 شرائح جبن الساندويتش + الهريسة حسب الذوق
كنشحر البصلة تدبال شوية ونضيف الكروفيت والملح والعطرية والهريسة شوية ونضيف السبانخ ونغطي باش يدبالو السبانخ ويطيبو نضيف الجبن ونخليه يدوب ونخلط مزيـــــــان ونخلي الحشوة تبرد
كنطلق العجينة بالطريقة العادية للرغايف كنورقها بالزيت
كنعمر بالحشو ونطوي عادي .هداك الطرف د العجين لي المفروض كنعملوه لفوق غادي نعملو من تحت . كندهنهم بأصفر البيض وندخلهم للفرن حتى يطيبو ويتحمرو

حريشات بالكفتة والفلفلة

حريشات بالكفتة والفلفلة
تناخد سميدة+شوية ملح+شوية خميرة حلوة نبسبس جميع هذ المقادير بشوية ديال الزيت ثم نضيف للخليط الفلفلة مقلية +وبصلة حتى هي مقلية مع شوية ملح+شوية ابزار ونزيد عليهم كفتة متبلة ومشحرة نخلط كلشي ونجمع بماء دافئ وبقاي تخدي كويرات وفنديهم في شوية السميدة وحطيهم يطيبو في المقلة
وبالصحة والراحة

بينيي بالبرتقال

بينيي بالبرتقال
بيضة+ملعقة سكر+قشرة برتقالة محكوكة+1/2كاس عصير برتقال+1/4كاس زيت+ملعقة كبيرة خميرة خبز مذوبة في كاس ماء دافئ نخلط جميع هذا المكونات عاد نضيف الدقيق حسب الخليط نعجنو مزيان ونخليه رتاح ثم نطلقو ونقطعو دوائر ونخليه يخمر وعاد نقليه ونفندو في السكر
وبالصحة

الرغايف معمرين بالكفتة والشعرية الصينية

الرغايف معمرين بالكفتة والشعرية الصينية (في الفرن) االحشوة:
الكفتة – البصلة مشلضة -القسبور و المعدنوس – 2 جزرات محكوكين (اختياري) – الزيتون اخضر مقطع- (اختياري)- الشعرية الصينية مسلوقة و مصفية و مقطعة-الملح- ابزار- الفلفل الأحمر/ نحمر الكل في المقلاة مع شوية الزبدة و زيت + شوية الزبدة. في مقلاة نضع الزيت والزبدة مع البصل والفلفل يتحمرو شوية ثم نزيدو التوابل والجزر محكوك ثم نضيف في الأخير الكفتة والشعرية الصينية ونترك الخليط يتقلى مزيان العجين: الطحين – شوية الزبدة -الملح -شوية الزعفران و نعجنو بالماء بحال المسمن الطريقة نفس الطريقة المعتادة لصنع الرغايف، نطلق العجينة ونضع الحشوة وسط العجينة ونلف الرغيفة، إلى أن نكمل باقي كويرات العجينة وندهن طاوة الفرن بالزيت ونضع الرغيفات، وندهنهم من فوق بالبيض و نديرو عليهم شوية ديال الفروماج محكوك وندخلهم الفرن.

مورقات بمداق مالح وحلو

في مقلة فوق النار نديرو بصلة صغيرة محكوكة مع2 معالق كبار زبدة  والملح و نخليوها ترخى شوية ثم نضيفرابعة ديال  الكفتة و نشحروها مزيان و في الاخير نضيف 3 معالق معدنوس مقطع رقيق  ورشة صغيرة من  الكوزة و  شوية سكينجبير و نحركو و نزولوهم من فوق النار مللي تتشحر لينا الكفتة

ناخد كاس زبيب بلا عظم مرطب في ماء الزهر و مصفي نديروه في مقلة مع شوية القرفة و شوية سنيدة و نحركو شوية فوق النار ثم نزولوه و نخلطوه مع اللوز يكون مصلوق ومفسخ ومنشف ومع الكفتة للي شحرنا ناخد اوراق البسطيلة ثم نعمرو ها اما بريوات او على شكل سيكار و ندهنوهم بالزبدة مخلطة مع الزيت و ندخلوهم للفران يطيبو و عند التقديم نزينوهم بالقرفة والسكر او بالعسل مخلط مع القرفة و نقدموهم سخان بالصحة

بيتزات صغار بالكفتة

بيتزات صغار بالكفتة عجينة البيتزا لي بغات تاخدها واجدة راها تتباع موجودة ولي بغات تحضرها ها المقادير: دقيق+ملح+زعتر+ابزار+زيت+العود+شوة+خميرة خبز وشوية خميرة حلوى مذوبين في شوية ماء دافئ نخلط كلشي ونعجنها مزيان ثم نديرها في بلاستيكة وندخلها للثلاجة 1/2ساعة
الحشوة: بصلة مشحرة+فلفلة مشحرة+كفتة مشحرة+زيتون مقطع+فرماج محكوك
ناخد العجين ونطيبو نصف طيبة وندهنو بصلصة الطماطم لي شحرتها في شوية زيت+ملح+زعتر ثم ندير فوقها البصلة+فلفة ثم الكفتة ثم الفرماج وندخلهم للفرن
وبالصحة